A Botica da Natureza en A Cesta da Saúde

Os meles de a Cesta da Saúde foron escollidos de entre os meles máis naturais da colleita deste ano. Son meles de apicultoras e apicultores ecolóxicos que aloumiñan ás súas abellas.

Abellas e flores situadas en montes libres de contaminación; Ancares, Caurel, Larouco, Cando, Suído... de onde se obteñen os meles máis naturais colleitados por apicultoras que saben como conservar o impagable traballo das abellas. Para que así sexa, o mel é extraído por centrifugado, filtrado, decantado e envasado. Sen quentalo en ningún momento para que conserve intactas todas as súas propiedades.

Na Cesta da Saúde contamos coa colaboración de Xosé Manuel Durán Orús. Químico de formación e apicultor por vocación, é hoxe unha referencia no mundo da apicultura. Pola súa ampla experiencia tanto na Asociación Galega de Apicultura como na IXP Mel de Galicia é un experto coñecedor das abellas e do mel sendo últimamente un dos divulgadores da apicultura natural sen tratamentos e colaborador do proxecto PESTICIDAS NON GRAZAS que defende e divulga unha agricultura sen pesticidas

Cargando galería...

 

Meles da colleita 2016-2017

Foi esta unha colleita cativa e moi irregular por mor, principalmente, da climatoloxía. Destaca a presenza do néctar das silvas e a escasez de breixos dando como resultados meles de sabor máis ben suave na súa grande maioría. Marróns ou vermellos na zonas de montaña e dourados nos vales.

Das flores da Serra do Larouco

Castiñeiros, silvas e carballlos foron visitados polas abellas de María Teresa Castro Ferreiro que vive en Rairiz de Veiga, Ourense. Ao longo do ano foi colleitando e envasando os meles das distintas floracións.

Polo mes de xullo colleitou o mel de silva, de cor dourada e sabor suave.

Despois o mel de castiñeiro, de cor marrón escura e sabor máis intenso e característico con notas salgadas.

Por último foi o mel de carballo (Quercus pyrenaica) de cor moi escura e sabor intenso e malteado.

foto_Rairiz_de_Veiga.jpgpolemel.jpg

 

Das flores da Serra do Caurel

Castiñeiros e breixos foran as plantas visitadas polas abellas de Manuel Macia que vive en Quiroga, Lugo.

Colleitou dous meles; o primeiro foi de breixo (Erica umbellata) con certa cantidade de néctar de silvas dando como resultado un mel lixeiramente vermello e de sabor suave e notas amargas que caracterizan ao nectar dos breixos.

A seguinte floración foi a do castiñeiro de cor ben escura e sabor intenso aínda que suavizado pola presencia do nectar das silvas.

alvariza.jpgbote_mel.jpg

 

Das flores da Serra dos Ancares

Castiñeiros, breixos, silvas e carqueixas. Mel colleitado polo apicultor Miguel González Novo que vive en Suavila, Cervantes. Colleitou o seu mel a finais de setembro obtendo como resultado o conxunto de todos os néctares de todas as flores nas que as abellan traballaron durante o ano. É un mel biodiverso con todos os matices dun mel de alta montaña de cor escura e sabor intenso.

 

Das flores da Serra do Candán

Este ano foron as flores das silvas as máis visitadas polas abellas da alvariza da Asociación de Productoras e Productores Ecolóxicos de Galicia situada en Abelaído, A Lama. Colleitado no mes de setembro deu un mel de cor clara e sabor suave propio dos vales que forman o río Verdugo.

 

Das flores da Serra do Suído

Silvas e castiñeiros foron visitados polas abellas da alvariza da Coop Abella Lupa en Covelo, Pontevedra. Mel de cor duorada e sabor doce que lembra os aromas da herba seca.

Información de contacto

Contacta connosco. Utiliza o formulario para unha resposta rápida
Visítanos

Estamos en Ramón Cabanillas, nº 10 (zona Praza Roxa)

Santiago de Compostela

tfno 981 59 25 95

Ou escríbenos a

bio@acestadasaude.es

© imaxes e textos, os respectivos propietarios

2012 © CREOWEBS. Diseñamos y creamos

Formulario de contacto

Todos los campos son requeridos

Localización

Achégate á nosa tenda