A CESTA DA SAÚDE
Tenda de alimentos frescos ECO directos dende os labregos para un consumo xusto responsable e coidadoso coa nosa saúde, coa xente e co medio.
Tel.: 981 59 25 95
proxecto cofinanciado
OS NOSOS COMPROMISOS
O poder de cambiar o mundo está nas nosas mans
Cando decidimos consumir alimentos ecolóxicos estamos a gañar un enorme poder: o poder de cambiar a nosa saúde, o poder de cambiar a nosa sociedade e axudar a que as persoas que nela convivimos teñamos unha vida digna, e tamén o poder de cambiar a natureza e así desfrutar dun planeta limpo e saudable, libre de contaminación para nós e para as futuras xeracións.
POR SAÚDE
Non é o mesmo un alimento cultivado de xeito natural e ecolóxico que cultivado usando pesticidas que ao final acabarán no noso prato.
POR FRESCURA
Non é o mesmo traballarmos man a man con familias labregas da nosa contorna para que así os alimentos cheguen frescos aos nosos fogares que que teñan que vir dende centos ou miles de quilómetros.
POLAS PERSOAS
Non é o mesmo que paguemos prezos xustos ás persoas que traballan cultivando os nosos alimentos e manteñen un rural galego vivo que que traballen por salarios precarios que as obriguen a abandonar o campo.
POLA NATUREZA
Non é o mesmo que, grazas a cultivar alimentos ecolóxicos, poidamos desfrutar dunha natureza limpa e saudable que usar pesticidas e contaminar a auga, a terra e a fauna silvestre.
